Itsasoa ez da kanpaidorreen intziria

hileta egunetan;

malkoak falta ditu,

habarrotsa sobera du.

Hutsuneko dilin dalandak ez dira

itsasoaren gerriko hestuak,

kate hezeak.

Itsasoa ez da nekazarien izerdia,

begi urratuak falta ditu,

frexkotasuna sobera du.

Nekazariaren biraoak

ez dira itsas-hondoko orroak, gose irrintziak.

Itsasoa ez da

bainutako ur garbiaren aztarna,

apar garbia falta zaio,

gizatasuna lobera du,

bainutako eztarriak ez dira,

gizakiaren alkantarilak,

zulo maiteegiak.

© Alex Azkue