Harriak urez betetzean,

itotzean, hatsa galtzean,

mendien tartetik oihu bat, oihu xume

apal bat, goseak dagoela,

egarriak dagoela, belardien aseezinaz,

udaberritako xoriei alperrik mintzo,

ibaietako urak trago batez edanaz

altxatzen bada,

bizkarretik goldea zintzilik,

eskuen eraikimendua (izorramendua)

gurutzean hiltzatzera doan

baserritarra dela

pentsa.

© Alex Azkue