Inork ez zituen poemak gorroto egun hartan
poema bat galtzearen dolua
olio surtidore baten azpian atsedeten zen
Zurezko ilargi luzeak
itoak zetozen itsasbazterreko hilobietara
ihiza amaitzen ari zen
eta zeruak lagundu egiten zuen borreroen eskuak kamuflatzen
nahaspila
tresnak apurtuak
Gizona olio surtidore baten azpian atsedeten zen
Berunezko haritz bat sortu zen
egunsenti ustelen hondakiden artean
gizonek terziopeloz jantzi zioten ingurua
arranoek laister egin zuten habia bertan
errautsezko arranoek
errautsezko egunsentitarako
Gizona argilun hegaldunek akribilatua
Haizeen hatzaparrak
errautsezko habiek hilobiratuak zeutzan
gizonaren bihotza zuhaitzaren sustraiei atxikia
poeta atzerritarrek odak eraikitzen zizkioten
arranoaren hegadari
Bitartean gizona lurrean atsedeten zen
olio surtidore baten azpian