Geldiak pasiboak
aurpegia izkutatzen dute hitzek
hitzak gramatiken aurretik doaz
autore handien hondamena
irudimenaren kriseiluan
Sklovsky zutitu egin zen irrien artean
apunteak paredoiaren ondoan utzirik
berunezko jostailuak agure-atsoen residensiez jabetu ziren
begirale bereziak ajedrez tableroen gainean
lotan dauden bitartean
marrazkiak airean kulunkatzen dira
artearen heriotzaren laguntza
hiltzear dago
margoen agonian hiltzear
eguraldi gizonak
hodeiak bere mapen mermeladaz bustitzen dituen bitartean
bezperan agindu bezalaxe
© Daniel Garbizu