Orain larogei urtetan bildutako
zeure lehen malkoen sorbaldan atsedeten zara
beldur, heriotz eta ametsezko urte zimurtuak
bere jauzi ikaragarriekin
gau izartsua lardaskatu zuen
personai hura bezala
ez duzue inoiz aurkituko
neure burua txirtxilatzeko aurkitu nuena bezain arroka preziotsua
hostoak edifioen antzera handitzen dira nire inguruan
eta oroitu egiten zaitut
udaberri egun haietan hazi zinen
hiriko bazter guztietatik heldutako eztarri habiak
herria hondatzen zuten tumore berdeak
erauzi irudi zituen
kaleetan desfilatzen zuten harri artezituak
zergatik atzeratu zara honela arreba?
inork ez zintuen ahantzi
nire ahoa ebakiaren zati bat joanen zaizu bila
hankapean erabiliko ditut zure egunkariak
erreak azalduko dira zure abestiak
zure kitarra idazmakinarekin zulatuko
zure baulak zeure gelarekin batera erreko
eta nire biotzean harri bat
desinatu zenuen egunaren aurrean konparezituko du zure beso odoltsuak
© Daniel Garbizu