Abisa itzazue bonberoak
milaka behar dira bonberoak
zulo handi bat daukat urdail barruan
sute handiago batek erretzen duelarik
neure suteak
pika iezadazue lepoa
neure ezpainek badakite oinez
zango batek soinean darama jertzea
Gaua nire besoetan kordegabetzen da
jaso egiten nau
gora oso gora
ezin dut lasai bomitatu
gorago
izarren musu beroa datorkit ongi etorriz
urteak ditu zuen aurpegiak ikusi nituela
gauaren beso niretzeko indartsuegietan ehortziak
lurra nire gorputza estalia
Beste leku batetara aldegin du espazioak
bakarrik gelditu gara
dena ari da hiltzen
lurraren atsedenaldian
banoa
atsedenaldian
urrun urrun
© Daniel Garbizu