Ezagun guztiak errenkan itxadoten
horizontalki lerrokatuak
aurpegiz aurpegi eszena presiditzen dugu
aulki batetan eserita
zeure azken bidaiaren esperientziak kontatzen zenituenean
alkantarilen uretan zehar
zeure azken kafe katilua urtzen da
irteeran eskuak gogotsu zabaltzen direlarik
azukre paperezko itsasuntzi handiak
kezko potepetan erreta konsumatzen dira
elkar hizketa alferrikakoa egiten zaigu berriro
hodei beltzek papera mehatxatzen baitute
agurea ere balkoia irekitzen ageri da
begirada ahuldu egiten zaio
aurrera pauso bat eman dezakeela ikusi nahi du
eta eguzkiaren lehen izpiekin
begiak urratuta hiltzen dira
eguneroko albiste berriekin
etxe bat eraiki duen
aldizkari saltzaileak ere nabaritzen du
jendea udako arratsalde mozo batetan paseatzen den bitartean
© Daniel Garbizu