Ile beltzak leunak, biziak, haragikorrak
Begietan lerratzen
Begiak estaltzen: azken itzala
Ikusi nahi nuke zure behakoa
Barneko espresioarengatik
Ea zer alfer-ibiltzen den gainean?
Ahoa doi bat irekia, espainak pausatuak, hortzak regularrak,
Eta barnean, mihia, menbro sukratua;
Zure aho-ur edatean, usu galdu naiz!
Zure bularra: Bi mertxika, desioaren mailuak;
Lur konkatu honek xukatu nau batzutan.
Sabela larru goxoz estalia,
Sabela zure parte ahulena, hezurrik gabe delako;
Zure zatiak aditzen ditut azpian, ene ezpaineei mintzatzen
Zaizkie...
Berak bizi direla iduritzen zait
Zu ohartu gabe, segitzen dute haragiaren zortea.
Ta burua erortzen da sorgira,
Leku zikina, ez garbia
Zikiena, garbiena ...
Berekartzen nau, ta segidan kanporatzen
Iraganaren indarra!
Menditto landaretsu!
Amari bihurpena, emazteari sortzea.
© Jon Casenave