txepetxaren dantza
ahuntzaren gaueko eztula
biba berango
gora fandango
eta ximximxaletaren mozkorra
bete egidan basoa
bete egidan basoa eta
ximximxaleta kristalezkoa
zain dezagun etxea
piz dezagun su bajua
ebaki dezagun ogia
gaitezen herriko
gaitezen betiko
txepetxaz eta ahuntzez
aski
berangoz eta fandangoz
gehiegi
mozkor kristalezkoaz
hordi
etxe su ogiz
ixil
eta gauez entzuten ditugun
zaurituen karraxiaz
odolez zikindu ditugun haiztoaz
zer janik ez dukegu izanen
baina hala ere
zain dezagun aitaren etxea
surik har ez dezan
eta heriotzara
murgil ez gaitezen.
© J.I. Garmendia