begia ebaki zion

afeitatzeko labana batekin

lagunak eraman zidan arrosa

trenik gabe gelditu nintzenean

hazkazalak jaten orduan ikasi nuen

ganibetaz ebaki dezagun ogia

eta bero gaitezen

su ondoan

negua hotzegia izanen dugu

elurra gaztelu puntaraino jaitsi da

(mendizaleentzat pozgarri)

kanta dezagun bersoa

bete dezagun ardoz basoa

eta goraka hasi gaitezen

begiak lagunak trenak hazkazalak

ganibetak neguak elurrak

bersoa

eta ardoa

kantarazi dizkidate

ardoz beroturik bersoa abestu dut

bersoa abestu dudalako

ardoa eskaini didate

bersoz eta ardoz mozkorturik

trena galdu dut

trena galtzean lagunak ihes egindik

neguan etxean gelditu behako dut

etxe ondoan elurra zuritu du

ganibet zorrotz bat

erosi dut lasaitzeko

begiak ari zaizkit ixten

neguko bersoa abestu dut

ardoz mozkortuta...

© J.I. Garmendia