zilipurdika erori zen gure aitona san juan bezpera batetan
aitonaren zilipurdikak san juan bezperako sua itzali zuen.
argirik ez genuen aitona zilipurdikatua aurkitzeko ukan, ez.
hala ere hurrengo goizean biharamonean aitonaren bilaketa
benetan gogorra izan zen pirikan joan zelako dudarik gabe
san juan eguna zen eta erromes joan ginen guztiok baselizara
mezik ez genuen entzuterik izan apaizik agertu ez zelako
ez dezagun ametsik egin biharko geroaren hegaletan bizi garen
ak alde egin dit rebeldea delako dudarik gabe baina duda
goitik beharaka datorkit eta benetako duda denez ez naiz
dudaren amorratzaile graziatua zeren dudaz duda nabilela
ez zait aitonaren zilipurkadarik bururatzen. bezpera batetan
hil zen aitona besteek bezala ehortzi genuen egun batetan
harrezkeroz ez omen da san juan bezperan surik piztu inun.
zilipurdika dabil haurra ohean
aitonaren ipuia entzun ondoren
argirik ez dago gelan
hala ere lorik egiteko asmorik ez du
benetan ederra izan zen
san juan bezperan egin genuen sua
mezik ez entzutearren
ez gara jaiki gaur goizean
alde egitea erabaki genuelako
goitik datorkigun aginduari jaramonik egin gabe
dudaren fantasma uxatzea lortu genuen
ez zait hain gogorra egin askatasun bizitza
hil egin behar dugulako beldurrak
harrezkeroz jira biraka inguratzen nau gauean
ez zait ahazten san juan bezpera egunik harrezkeroz
hain irrika haundiz itxaron genuen eguna suari jira biraka
gogorra eginen zitzaigun desilusio fantasma hasi zen inguratzen
egin egin behar genuelako erabakiak bultzatzen nau
askatasun poema abestera gauean.
bizitza omen da horrrela
© J.I. Garmendia