eta ez daitezela ondora
honen hobea
eta haren okerra salatuz
ez dezatela amets egin
heuren eguzkiak
gehiegi borotzen duenik.
etorri daitezela nahi badute
baina adiskide hitzik gabe
eskua zabalduz
bihotz erren norberarena baitabiok
eta bikarbonato basoa norberak
nahi duenean edan beharko baitu
aspertzen ari bainaiz
mihingain luzeegia dutenekin
heuren begi dizkiraz
aspertzen ar bainaiz
izan izanen ez diren intxaurrekin haspertzen
izan dezagun balore
orainean hiltzeko
izan dezagun balore
oraina bizitzeko
eta utz ditzagun ametsak
oherako
nik ere abestuko baitut
nik ere gozatuko baitut
neure eta besteen gorputza
neure eta besteen esku beroa
eta egin dezagun bidea
egin dezagun
nora gabeko bidetxurra
begi batzuk nahi nituzke
esku lagun bat nahi nuke
zu bat nahi zintuzket
neure bakardea betetzeko
bion gorputzaz gozatzeko
eta gau ilunean argi bat
gau beltzean haragi zimeldu gabea
biok
biok izan gaitezen
biok bizi dezagun oraina
heriotzara abia gaitezen
zuloan murgilduta
jaso dezagun etxea
gaua igarotzeko
besterik gabe
jaso dezagun etxea
su bajuan bero gaitezen
zuloan murgilduta
izan gaitezen lagun
izan gaitezen beldur gabe
zuloan murgilduta
hitzik ezin dut kanporatu, ez dute deusik balio (beharbada), hitzez zerbait oratu nahi dudalako joaten zaizkit ihes hitzak eta gauzak
© J.I. Garmendia