iluneko hamabietan
alkoholdutako amets postizoen aldamio malkoetatik
helbururik gabeko hilerri kaleetatik
desertaturik
izarretan urkatzen dut neure burua
erdal poetak ez daitezen aurrerantzean gernikaz ardura
erailketaz berotutako ezpainak baztertuz
eskuak itzaltzen ditut
eta neure haragian
asmo gazteak lora erazten dituzten hitzetan
sinetsi nahi dut
© Koldo Izagirre