oroimena inoiz hustuko ez duzunez

amets ezin eginik

arbolazko piramideen bihotzetan

ez duzu enperadorerik gorde

euriz mintzatzen zara

esku apurtuen hondakinez

laztanik gabe jasotako

zauriak josteko makinen sorlekua

zu

goldea eta lainoa

komun zuloetan behera galdutako hazia

bakardade osoko gerotasun biluzia

itsastasuna errebindikatzera kondenatutako itsaso ahantzia

zu

nire herrigaia

© Koldo Izagirre