iluneko hamabietan

ateak errorik gabeko haize berriak boteak

aurrerantzean ez diegu permitituko gezurrezko hodeiak eraiki ditzaten

urrunean izarrak itotzear daudelarik

besoak adartzen hasiak dira hildakoak

eta nik

zurekin

eta ametsen hondakinekin

bakardadean

geure bihotz amankomunaren erdian azken sua bizturik

sumendirik gabeko lur honetara

errautsik gabeko denbora helduko zaigula

sinesten dut

© Koldo Izagirre