www.armiarma.eus
idazleak eta idazlanak Herri literatura TESTUAK Corpus arakatzailea Klasikoen Gordailuari buruz



Beste olerkiak
Salbatore Mitxelena
1933-1955, 1977

      [liburua osorik RTF formatuan]
      [Literaturaren Zubitegia]

 

Iturria: Idazlan guztiak (I), Salbatore Mitxelena (Karmelo Iturria eta Jose A. Gandariasen ediozioa). EFA, 1977.

 

 

  hurrengoa

EGUBERRI OPARIA

 

Zer eskeiniko diot Jesusi

Eguberri egunotan?

Opari gabe nezake utzi

maitatzen badet benetan?

 

Ez nere zorrak ordaindutzeko

—ori ezin ledike— baizik

maite detala adierazteko

zer eskeiniko diot nik?

 

            * * *

 

Iru Errege izar bidean

bata bestien atzetik

estalperontza gurtu naiean

datozkio urrez beterik.

 

Artzaiak ere ardi bana artu

ta arin datoz Beragana.

Arkume gixen ta ile kixkurtu

polit oitako ardi otxana

 

artzai bakoitzak opa diote

ain beartsu diralarik!

Danak zuretzat, zerbait badute:

ta, gaxo!..., ezertxore ez nik!

 

Onek ze eskeini ezer ez duta

ez bada asmo sendoa?

Jesus umetxo: maite zaut eta

tori, maiteño, bioztxoa!

Foru, 1933.

Egileak hamalau urte zuela.

 

  hurrengoa