JASON KLEANDRORENAREN MALENKONIA,
KOMAGENIKO POETA; A.D. 595
(1921)
Ene gorpuzkera eta hazpegeen zahartzea
ganibet lazkarriaren zauria da.
Honez gero ez daukat etsitzeko kemenik.
Zugana egiten dut laster, Poesiaren Artea,
bai baitakizu zeredozer sendagaiez;
minaren loeragiteko saioak Fantasian eta Mintzoan.
Ganibet lazkarriaren zauria da.
Zeure sandagaiak ekartzazu Poesiaren Artea,
zauriari ez igartzea apur batez lortzen dutenak.
© K.P. Kavafis
© itzulpenarena: Andolin Eguzkitza / Olga Omatos