ETXEAREN AZPIAN
(1918)
Atzo, erdialdetik hurrun den auzune batetan zehar
nenbilen bitartean, etxearen azpitik pasa nuen
oso gazte oraino joaten ohi nintzenekoa.
Bertan ene gorputza harturik zeukan Erosek
bere kemen ederraren bidez.
Eta atzo,
kale zaharretik igaro nintzenean,
behingoan ederreztatu ziren amodioaren xarmaz
dendak, espaloiak, harriak
eta hormak, ete balkoiak, eta leihoak;
ez zegoen han deus itsusirik.
Eta zutik nengoen bitartean, eta atea begiratzen,
eta zutik nengoela, eta etxearen azpian iluntzen zenean,
neure izate guziak ematen zidan atzera
plazerrezko zirrara gordea.
© K.P. Kavafis
© itzulpenarena: Andolin Eguzkitza / Olga Omatos