ULERTZAPENA
(1918)
Ene gaztaroaren urteak, ene plazerbizitzea
zein argitasunez dakusadan orain beraien zentzua.
Zeintzuk garbai hutsalak, zein alfer...
Baina ez nuen orduan zentzua ikusten.
Ene gaztaroaren bizitze nabarmenean
eratu egiten ziren ene olerkigintzaren asmoak,
zirriborratu ene artearen hesparruak.
Horregatixe ez ziren nire damuak inoiz tinko izaten.
Eta burubideek neure buruaren menperatzeko, aldatzeko
gehienez ere aste bi zirauten.
© K.P. Kavafis
© itzulpenarena: Andolin Eguzkitza / Olga Omatos