AHAL DUZUN GEHIEN
(1913)
Eta ezin badezazu egin zeure bizitzea nahi duzun bezala,
honetan behintzat saia zaitez
ahal duzun gehien: ez ezazu merke sal
munduarekiko harreman luzean,
hanitz mugimendu eta berbalditan.
Ez ezazu merke sal eroatearen eroateaz,
herrestan hartzeaz sarritan, eta jasanerazteaz
harremanen eta elkarketen
eguneroko zozokeria,
arrotz haserragarriaren antzekoa bilakatzen den arte.
© K.P. Kavafis
© itzulpenarena: Andolin Eguzkitza / Olga Omatos