AHOTSAK
(1904)
Ahots ideial eta maitatuak
hil direnenak, edo eta daudenenak
guretzat galdurik hilak bezala.
Lantzean behin ametsartean mintzatzen zaizkigu;
lantzean behin pentsamenduan entzuten ditu garunak.
Eta beraien oihartzunarekin une batez datoz atzera
gure bizitzearen lehen poesiaren oihartzunak
musika urruna bezala, gauaz, itzaltzen dena.
© K.P. Kavafis
© itzulpenarena: Andolin Eguzkitza / Olga Omatos