MURRUAK
(1896)
Arretarik gabe, errukirik gabe, ahalkerik gabe
handi eta garai eraiki zituzten murruak ene inguru.
Eta esperantzarik gabe nago orain hemen.
Besterik ez dut pentsatzen: adimena irensten dit asturu honek;
zeren gauza asko kanpoan baineukan egiteko.
Ai, murruak eraikitzen zihardutenean, zelan ez nuen jaramonik egin.
Baina ez nuen inoiz entzun eraikigileen oihartzuna.
Erreparatu gabe gorde ninduten mundutik kanpo.
© K.P. Kavafis
© itzulpenarena: Andolin Eguzkitza / Olga Omatos