I'GO ALDAKAREN ADI-BURU
Errota zaar bitxia,
luebai ertzean;
Onats adibide buruan,
orpo-aapaldietan berrituko detan oin-bikutza.
Luebai sakona;
lau arraako zabal, luzean lau lauko,
uren gora-beerako galga aldakor egunaren buruan.
Karramaren geldialdian ura altxako da,
ta uaska nagia osin biurtuko.
Lanaldiak,
agorturik ondar-loitan luebai soil utzi.
Onen errai betegarri,
mendixka magal-beera,
etenik gabeko errekatxo biziak;
iru aizpatxo sabelkide
Ta bateratzean,
iruek laztan elkarri,
iruek panpox uaska aseroan
ariaketan naasdari.
Auen jario agorgaitza
errota bitxiaren indar-gai,
indar-gai, ta biziaren erdi.
Beste erdia,
nekazarien ekiean eta errotariaren
eskuetan izaki.
I
Emendik...
Aterpe txatal onen
leiatilla medarretik,
sentimin begi luzea
ibar ospelaren kolkora
urbilduaz...
Aitz-konkor biren
bular-arte ber-bertan,
errekatxo gardenaren
joera txolin aspergaitza
arilduaz.
Jaioera miñaz izukor,
ur-parrastak bor bor
estuka ta bultzaka,
mailla-maillaka
amilduaz.
Lur-eten medar biurrean gain-beera,
arri-mokor irtenak
etenik gabeko igurtzian
borobilduaz.
Ertz bietandik
lur-zaiñak gili-giliz;
astigarrak,
saats-ondo begitsu,
altz-mokor zuldartsu,
ezker-aien biur luzeak;
betidaniko egarriz
edo-ta ezkotasun antsiz,
urera
makurtuaz...
Au;
betioroko kera sorgiñean,
arri-markats bakoitzean txaltaka,
ondo-zinzurrean jira-biurka,
apar-biots aldakak
arrotuaz.
Lurrin nagi gisa gorantza,
argiari estalkizun zaikion
orrixka xabal xinpleak,
uneoro
ezatuaz.
Eta joanean-joanean,
kerizpe itxuaren tartekako etenak,
eguzki-pintza ezpaten
sarbide megatx direnak,
dizdiratze ñirñiraz xume-xume
artuaz,
zeartatzen dijoazkio
ur-magalean zear,
sabelera
opilduaz...
Zergaitik...
Errekatxo txotil,
orren bixkor,
orren estu;
albo-murko ezpain biek
aztarrika
urratuaz...?
Noiztik ote,
ta noiz arte,
txaplaka bakoitzean
doiñu ezberdin oiartzuna,
ixillaren egape otzean
errotuaz...?
EMENDIK...
Aterpe txatal onen
leiatilla medarretik,
begi-nini minduen esaneko
onen erraiñu bikotza
ikuspegi...
Au bezelaxe maldar beera,
onen tartide,
errekatxo bi,
ezker eskubi.
Au bezelaxe biek berenkis
txalta-txaltari;
txipli-txaplaka
biek
jostari.
Ur-kurutzean
toki berera
iru aizpatxo
sabelkideko
pitxi-potxoki...
Eta osin iregiak,
sabeltzar urdiñean
naaska-naaska
darabilzki...!
Aur-zapietan bilduriko
iru aizpe sabelkide,
itxaro-aska nagiaren
ondoraiño.
Ezi-molde orrazian ortz-tarteko,
upa-aska sabel biurrian arrastari.
Ormatzar lodien masailletan zear,
elkargana opilduaz-opilduaz,
ta ez gazte-muxu argia galduaz,
berezko loditzeak bearturik,
marraztua
baiño...
Gorantza igoaz,
egalak loditzen,
lodituaz urdintzen;
gainez egitera,
more-urdin illunka
jartzeraiño!
UASKA nagiak urak pillo-pillo,
luze zabalean zanpaka artuaz.
Sabeltzar beteak okaraz darraio;
ur-punpullak gorantz mintza urratuaz.
Gain-sare leunean ertz bik erraiñua,
ondo urdin islak jasoaz garbiro.
Kizkurgune soillak gain-apar gandua,
ikusmuga xinta etenaz aldiro.
Zintarri medarra oroldio otzaz,
almintz errotua, untz-aien txaldanak.
Atzera-aurrera ibillera utsaz,
gorantz eziean urera etzanak.
Ertz bien lepotik makaltzar tentelak,
elkar urratuaz orritza minbera;
elkarren laiezaz txotx muttur mengelak,
goien kukullutik ur-magal gaiñera.
Apar-bits matasa luzera loditzen,
zur-kaxko txatalak, orbeltza zakarra.
Zinzur-orrazia aldizka garbitzen,
ixil-ixillean txardanko makurra.
Argi erraiu dan illargi betea,
urre-mintz ganduan murgildurik doa.
Ura parpailduaz giltza-arratea,
etor darraiona ustuaz dijoa.
Argiak gabari gozoro eskua,
kolkora ar dezan uren etorria.
Biramon txintara, gabaz tolestua,
Ian beta itxaroz ur-putzu lodia.
© Martin Ugarte