Filosofia

 

                euskaratzailea: Joseba Sarrionandia

 

Arratseko itsaso mortuari begira

Gazte nahigabetu batek, burua

Mila zalantzez nahasirik,

Olatuei ezpain dorpez galdetu die:

«Oi, adierazi egidazue bizitzaren enigma,

Hainbeste bururen gogoeta gaia izan den

                        enigma larri zaharra,

Hieroglifiko txanodun buruek,

Kapela belzdun eta turbantedun buruek,

Ileordedun buruek eta beste mila

Giza buru pobre eta izerditsuk egin baitute

Galdera hau: Zer da gizakumea?

Nondik heldu da? Eta nora doa?

Nor bizi da han, izar doratuetan?»

 

Olatuek beren murmur hots eternala

                                          jarraitzen dute,

Haizea ufaka ari da, hodeiak iheska doaz,

Izar axolakabe eta hotzak izarniatzen,

Eta idiota bat dago

                                    erantzunaren aiduru.

 

                        Hezurrezko xirulak, Elkar, 1991

 

 

 

Heinrich Heine euskaraz