Balekiye...
euskaratzailea: Anbrosio Zatarain Basati
Loriek jakin edun balude
nere zaurien sakona!
malkoz lirake, hori bainuke
bihotza sendatzeko ona.
Ta urretxindorrek orain gaixorik
naizela balude jakin
honezkero ni poztutzearren
kantaz zudekian ekin.
Ta goiko izarrek entzun balude
nere minaren berririk
hitz samur eztiz ni laztantzera
nitukian etorririk.
Batek bakarrik daki, ordea,
nahibage honen zorrotza:
neska harek berak urratu zidan
urratu nere bihotza.
Euzko Gogoa, 1950eko uztail-abuztua, 7-8. zkia.