XXIII
Zure mosu sutsuak
Eraginda, kutuna,
Zaurituta badagoz
Nere ezpain zimeltsuak;
Pa-egioezu ba
Osatu daitezantzat
Ta ilunabarrerako
Amaitu ez badozu
Ez ardurarik izan
Ez gara iradu eta.
Pa, barriro laztana,
Ez ardurarik izan;
Gau osoa daukozu
Aurretik maitalea
Maiterik maiteena!
Gau osoa, enetxu;
Eta gau guzti baten
Mosuak ta mosuak!
Ta izan leiteken zori-
Zoriontsua ere!