XV
Zer nahi ote dau nigaz
Malko bakarti horrek?
Ikusmen hodeituriko,
Nere begi-aurrean
Lotu dan malko bat da,
Antzin-negar malko bat.
Malko horrek izandako
Lagun disditsu ugari
Aienatu zirean.
Haize ta gauan ziran
Aiendu, nere samin
Ta alaiakaz batera.
Bihotzan, irribarrez,
Atsegin-oinaz harek
Ixuri izan eustezan
Izar oztinak ere
Aienatu zirean
Hodeiak balira lez.
Ames arin bat legez
Nere maitasunak be
Aienatu zirean.
Antzineko malko hori;
Malko bakarti hori:
Aiendu zaitez zeu be!