XII
Bizi-bizirik nagola
Ondo bai ondo dakizu;
Lasaiki, hori dala ta,
Lo egin ote daikezu?
Antzineko sukarrak
Bihotza higituten dauste
Ta buztarria apurtzeko
Gertu-gertu nago, maite.
Antzineko abestiak
Ez ote dozu ezautzen?
Entzun: gauerdi batean
Izandako mutil batek
Bere maitearen bila
Joan zan gelditu gabe
Eta hiltegira, narraska,
Maitea eroan ere.
Neskatiltxu eder hori,
Polit eta gelgarria,
Bizi-bizirik nagola
Zinez dinotzut gaztea.
Bizi-bizirik neu nago
Emakume zinge hori.
Ta hil guzti-guztiak baino
Indartsuagoa, noski!