XI
Ixiltsu dago gaur gaua
Bare-baretsu txaideak;
Etxe honetan bizi zan
Nere kutun-maitalea;
Hutsirik dago etxea,
Urrun joan ziran jaubeak
Baina antzineko lekuan
Datza orain ere etxea.
Ai ene! Gizon bat dago
Zutunik etxe ondoan;
Begiak busti ta sendo
Donokiruntz zuzenduta,
Ta bere eskuak bihurri
Min zorrotzak eraginda.
Ene! Ikarak hartzen nau
Bere aurpegi ikusiaz;
Ilargiaren izpiak,
Izpi zurbil ta motelak
Argituta, neure irudi
Ber-beraxe darakust ta.
Nere lagun zurbil hori!
Zergatik ba nere irudi!
Sarri-sarritan ta aspaldi
Toki hori ber-bertantxe
Oinaztu nindun nekea,
blaitasunezko nekea
Oroimenera ekarri?
Zergatik, ene, zergatik?