X
Urrin-urrintsu, han sarkaldeko
Argitasun txit jorian,
Itsas-zabala, pozez eta harro
Disdis egiten hasi zan.
Arrantzaleen egotokian,
Etxe bakarti aurrean
Jarri ta mutu, bakar-bakarrik
Elkar begira gengozan.
Goiruntz egian laino zuriak,
Gora-beraka uhineak,
Hor ta hemendik, lekune-zehar,
Hegaz ebilen kaioak;
Berehalaxe zure betseinak
Lekatu ziran, gaizoak!
Orduan zure begietatik
Malkoak jario ziran.
Malkook jausten ikusi neuzan
Zure eskuetan tantaka,
Ta belaunbiko zure aurrean
Jarririk, ene laztana!
Zure eskuetan eroritako
Malkook edan nituan;
Orduan zure begietatik
Jario ziran malkoak.
Nere gorputza garai hartatik
Ahulduten edo hasi zan.
Hilten da nere gogoa ere
Ordutik honuntz, gurariz.
Zorigabeko emakumeak,
Neskatil eder-lirainak
Zitaldu ein dau nere bihotza
Bere malko beroakaz!