IV
Busti-ekaitsu dago gaur gaua
Ta izarrik gabe ortzea.
Oihana-zehar zugatz artetik
Zugatz otsenen azpitik,
Ardura ezaz, bidekatuta,
Ixil-ixilki banoa.
Jabolariren egotokian
Etxe bakarti ta zaharran
Argi izpitsuak ikusten dira
Disdis egiten urrinan.
Etxea baina etxat atsegin
Dagolako txit itunik.
Ezkibel ta ilun, zirkinik gabe,
Harrizko irudi bailitz lez
Aulki gainean, ixil-ixilik
Ule zuridun amona
Jarrita dago, bere begiak
Ez dabela hartzen argirik.
Urre-uledidun gazte sendoa,
Basotzainaren semea,
Sutizkilua horman eskegi
Ta urduriz bete han dabil;
Barre-algara loskabez dagi
Sumin itzelez beterik.
Irule ona negarrez dago,
Negarez... neska lirainak,
Ta altzoan daukon sapina malkoz
Busti edo dau gaizoak,
Bere oinetan etxe-txakurra
Uzkurtzen dala intzirika.