XLIII
Nere antzineko
Maitasun-amesa
Atzera heldu da;
Loraila gau bat zan:
Astigarren pean
Jezarrita, zorun
Betikora elkarri
Zin-esan genduan.
Eta zinak, bata
Bestearen ostez,
Barre mosuakaz
Etozan, nahastauta.
Ta gero zinakaz
Ez ahaztutearren,
Eskuan, maitero,
Haginka ein zeustan.
O begi oztindun
Ene maite hori,
O hagin zuridun
Maitaletxu hori!
Nahikotxu neukan ba
Zinakaz; bai, aski.
Eta haginkadea
Gehiegi zan, noski.