XLI
Tea hartuteko mahai inguruan
Jarrita egozalarik,
Berehalaxe maitasunatzaz.
Hitz-egiten ziran hasi.
Maitasuna ta edertasuna
Gizonentzako bat dira;
Emakumien aburuz, baina,
Bihotzeko ikarea da.
Eta orduan hauxe esan eban,
Aholkari argaltxuak
«Egi-egizko maitetasuna
Lera gabeko izan behar».
Bere emazteak, hori entzuki,
Inakaz barre-egin eban,
Adietaka ta ahots motelaz
«Ene!» leunkiro esanda.
Ta jaupariak ahoa guztiz
Zabal-zabalik ebala,
Esaten hasi zan apal-leunki:
«Osasuna ez galtzeko,
Maitetasuna ez da izan behar
Lizunkeri gehiegizko».
«Zegaitik hori? galdetu eban
Neskatiltxuak orduan.
Berehalaxe, minez beterik,
Emakume handikiak
Bere eritzia emon gurarik
Hitz honek esan zituan
«Lera handi bat da maitetasuna!»
Ta bitartean, polito,
Handikiari teia-katilu
Bete bat eskeini eutson.
Hutsik egoan leku txiki bat
Mahai haren albo batean,
Baina zu, ene maitetxu hori,
Zu, baina, bertan etzinan.
Tamal handia! ba garai hartan
Zure eritzia, kutuna,
Maitasunatzaz dozun ustea
Jakingarria izango zan.