XXV
Nere maitale eztitsu ori
Hilobi ilunan eizu lo,
Zure ondora joango naz laster
Gure gorputzak batzeko.
Sutsu ta leraz besartzen zaitut
Mun-erreguak, zuretzat;
Ikara hartu nau, dardaka nago,
Nere bizitza amaitzen da.
Gauerdi dala hilak, jagita,
Moltzoz, dantzaka dijoaz...
Gu, harrobian, besoak elkar,
Iraungo gara, maitea.
Adarren hotsaz hilak, jagita,
Epai-azkenera doaz...
Atsegintsu ta besoak elkar
Iraungo gara gu, gentzaz.