XVII
Zorigaiztoduna
Zarala badakit
Eta horigatik
Etzaitut gorroto.
Maitaletxu hori:
hontan biok
Zorigaitza baizik
Ez dogu ikusiko.
Heriotz-erpeak
Bihotza hautsi arte
Ez dogu ez, behin be,
Zoruna lortuko.
Zure ezpain mehetan
Isekak jolasten
Ondo ikusten dodaz;
Zure begietan
Disdis loskabea
Eta baita zure
Bularra puztuten
Jaun harrokeria
Ikusi leiteke;
Dana dala, entzun:
Neu baizen erruki-
Garri zara zu.
Samin ezikuskor
Batek eraiten dauz
Zure ezpain bigunak;
Malko bakartiak
Itzaltzen dau zure
Begien argia;
Ta zauri ixil batek
Bular harrotsua
Dautzu ozkatuten;
Beti, maitaletxu,
Errukigarriak
Izango gara gu.