XVI
Betiko galdua
Zaran maite hori,
Ludi-gauzakaitik
Enaz arituko,
Ta nere bihotz hau
Apurtzen dalarik
Hautsita euki arren
Ez dot hala-eingo.
Eztai-apaingaien
Goitasun guztiaz
Dirdira dagizu
Maite, baina entzun
Zure ikatzarriko
Izpi bat ere ez da
Zure bihotzaren
Gau baltzan jausiko.
Jakitun egon naz
Aspaldi, kutunoi;
Aldi gutxi dala
Nere amesetan
Ikusi zinduban;
Ta zure gogoa
Betetzen daun gauak,
Baita ere, bere
Iluntasunean
Narraska dabiltzan
Suge itzelak ere
Ikusi nituan.
Eta ordu hartan
Zure zorigaitza
Dan sakon-iluna
Ondo ikusi neban.