XII
Ez zin-esan, maiteoi,
Pa-eidazu, bakarrik,
Emakumeen zina
Sinesten ez dot-eta,
Gozo-gozoak dira
Zure hitzak baina, egin
Dautzudazan mosuak
Gozoagoak, noski.
Ta zure gorputz leuna
Altzoan daukodala,
Huskeriak neretzat
Ludiko hitz guztiak.
Ai ene, zin-esaizu;
Zin barriro, maitea!
Ondino beste hitz bat
Ta sinestuko dautzut.
Ni bai zoriontsua
Zure altzoan jausten
Nazanean, kutunoi.
Ni bai zoriontsua!
Uste-izan gura dot,
Ene laztantxu, beti
Maite-izango nozula
Ta gero be ondino.