IX
Gotertxaun zabala
Altzoan eukirik,
Rhin ibai deunaren
Ur baretsuetan
Huria da agiri,
Hain ospetsua dan
Kolonia handi-deuna
Alai, jolastari.
Gotertxaun barruan
Irudi eder bat
Aurkitzen da, urrezko
Narruz margoztuta;
Nere bizitzaren
Lekaro luzean
Aspaldi, gozaro,
Dis-dis ein ebana,
Ama Neskutsa da,
Eta irudi haren
Gain-gainetik dabiltz
Lora ta gotzonak;
Bere begi, masail
Eta bere ezpainak
Nere maitearen
Lakoxeak dira.