NESKA ZAPUZTUA
(Das verlassene Magdlein, Eduard Mörike)
Argi-urratzean oilarrak io duneko,
izarrak itzali baino len goizero,
sukaldera noa sua egiteko.
Gar alai dirdaiok eder d(a) ikustea;
nik, atsekabetan ikusten ordea,
begian negarra, gogoan nekea.
Ire oroipena berriro, gazt(e) etoi,
nereganatzen duk beingoan bioztoi;
bart ere irekin amets diat doi-doi.
Begi-ertzetatik bera zara-zara
malkoak darizkit: goiz-egunabarra
badator: berakin ba'letorkit ura.
© Iokin Zaitegi