NERE GORA-MINA

Ekaitz beltzak darabil

nere gaztaroa,

ostartez eguzkiak

or-emenka ioa.

Biotz-barne muinetan

dut zurrunbiloa,

eta ezpain-ortz zear

irripar zoroa.

Neska bat ikusi dut

aragikoi t'itsa:

ene baitan sortu du

atsegin mingotsa.

Hura bag(e) egotea

gogoaren utsa,

t' aren iabe izaki

aspertuen bitsa.

Egurats goibel zear

egazti arina,

bean gizon ankerrak

biotzen zikina.

Ai nintz egoen iabe

aingeruen dina,

nonbaiten tinkatzeko

nere gora-mina!

© Iokin Zaitegi