IESU GURUTZATUARI

Birriosi zaitzadan, Iesu kutuna,

nere begi-biotz zear gogorrik:

gurutzean zaitut iltzez, zabalik

besoak, begian duzul(a) iluna.

Sutan ixiotzen dit maitasuna

irudi goz(o) orrek: eztut beldurrik,

niregan entzuten baitut ozenik

zure azken itzen mintzo leguna.

Gaitzets nazakezu suzko lezera

etsaiak parkatzen inoiz aspertu

etzinan zeruko Iaun biotz-bera?

Ago, geldi, biotz, ez adi lertu

ire ogen minak min gora-bera,

Aren errukia ezpait(a) atertu.

Biarritze'n 1961-VI-13

© Iokin Zaitegi