NEGUZ
Anboto mendia elurretan zuri,
oian orlegiak burua beluri:
errekaldean izotza
ta kezkati dut biotza.
Etxe-sukaldea neguan maite dut,
biotzeko kezkak iasango buruzut:
surtara iaurti egurra,
alde bioa beldurra.
Ekarri naparra ta erre artoa;
gure sukaldean urtu da lainoa:
artazuritzen ederra
dut etxeko su-bazterra.
Urrun ioanik da Udaberri alai:
aren txori-lorek nire baitan dirdai.
Orain ordea non abil
Udaberriko neskatil?
Badoaz ixurka egun beltzak arin
ta su-bazterrean beti dut atsegin.
Bearrik, txori-liliak
sortuko Udaberriak
© Iokin Zaitegi