NESKA-MUTIL ZARRENA
On-bila,
on-bila,
bonbila...
Oinezkoari muzin,
zaldizkoari ezin.
Arrasate'ko Mikel,
sareak bete gibel,
beste ainbat birika
ipurditik zirika:
besteai esku-gibel,
beretzat mitxirrika.
Buru gazte, anka txar,
egin zera mutil zar:
or zabiltz alderoka,
eztakizu non koka:
egin ezazu negar,
erriko ipurloka.
On-bila,
on-bila,
bonbila.
Oinezkoari muzin,
zaldizkoari ezin.
Garagartza'ko Mari,
gaztaroan dantzari,
begietatik urrun,
biotz-barnean zer dun?
Mutilen topasari
betiko damukizun.
Galbaian ere ura
ekarteko azkura:
ezkondu nairik larri,
orain zar parregarri:
eztun lengo lilura,
bazterrean zintzarri.
On-bila,
on-bila,
bonbila.
Oinezkoari muzin,
zaldizkoari ezin.
© Iokin Zaitegi