SABIN'EN DEIA
Zure dei ozenak itsaso zabala
dirudi durundu dardarian, Sabin:
orma ta lurrari goibeak eragin
dizkie oso lur-ikarak bezala.
Euskaldun-bidea galduta ginala,
amilbururaino baikentozen arin,
ots egin zenigun inork bezain gordin,
begira genezan bear dan itzala.
Gernikako aritz donea il-otza
zan aspaldidanik, barnez zuen arra:
minez erdiratu zitzaizun biotza ...
Gure gau minean piztu zan izarra
ta neregan zoli dantzut zure otsa:
«Euskadi da gure Aberri bakarra».
Biarritze'n 1961' gko. Orrilak 16
© Iokin Zaitegi