SABIN'I
Sabin! gutarteko bear zenduk(e) egun,
orixe dateke nire opa mina:
euskal-gogoaren iabe da samina,
Euskadi'k deitzen zau kinka ontan lagun.
Beltzez iantzita dut Aberri(a) alargun,
barneko muinetan du bizi ezina,
negarrez urtuta dario zotina,
askatasunik ez, il-zorian ilun.
Zatoz guregana len bezain azkarra,
osasun-bidean iar gaitzazu bipil,
iguzu arbaso zindoen giarra.
Iesu'k esan zion bezala biribil
ilda zetzanari, mintzoan indarra,
esan Euskadi'ri berriz «iaiki ta abil!»
Biarritze'n 1961' gko. Orrilak 15
© Iokin Zaitegi