OLERKARI BATI
Atutxa 'tar Augustin 'i biotzez.
Bertso berrietan zeur(e) euskal-aogoa
ixuri oi duzun olerkari zina!
entzun-ala kanta gure biotz-mina,
il urren baitago Aberri osoa.
Urbilean duzu orruz itsasoa,
beraren besteko bazaizu samina:
eztiaren ordez, besteok ezina,
erabil ezazu ziztaka miztoa.
Egin kukurruku, aizatuz iluna!
Ner (e) esanetara erakar ba'zintzat,
gauaren ondoren badator eguna.
Asmoz ta iakitez uztartuz erabat,
iratzar ezazu euskal-fededuna,
zazpiok gaitezen betiereko bat.
© Iokin Zaitegi