BERRIZ ERE GOLDAKETAN

 

Euskaldun erara itzetan laburra,

goldean ari naiz lenago bezala:

otadi-okuntzak labakitu-ala

ereingiro daiten arbasoen lurra.

 

Latzean sartu dut zail golde-muturra.

irauli gurarik gaineko azala:

atzean datorkit, zabalik egala,

Euskadi berriko txorien agurra,

 

Aurreko senide artean dut matxin,

lur berri oietan daten ereilea:

eztut erbesteko ioten beintzat, aitzin

 

-gibel so eginez. Dakuskun ernea

elkarren beteko anaitasun ezin

autsia, orra or gutarren legea.

 

1961' gnko. Orrilaren 1ean

 

 

 

© Iokin Zaitegi

 


www.susa-literatura.eus