TXORIAREN TXORROTXIOAK
(Trueba ren antzera)
Nire leioko lore zurien artean
txori batek abestu oi du eten barik,
ta bidazti guztiei biotz-biotzetik
abesti alaiena eskeintzen baidie.
Bidez diyoanaren biotza alaitzeko
txorrotxioak ditu nire txoritxoak.
Zer dala-ta, ene Yaun ori, gizonak
ez dagite txoriek egiten dutena?
Nire txori maiteak abesten dunean,
bidazti esker-beltzak arrika asten dira.
Ta txoriak bialtzen die belarrira
abesti zoragarri, gaitzaren ordaez.
Ego ariñak zabal-zabal egiñikan,
zeru txit garbi zear egazka diyoa,
ta eztitsu iriki ondoren mokoa,
«Gizonei gentza, dio, Yainkoari aintza».
Nire leioko lore zurien artean
abesten ari oi dan txori otzanaren
eduz, nik ere yardun gura dut. Txorien
antzekoa da-eta olerkari dana.
1931, Caracas
© Iokin Zaitegi