OPA-BIZIAK

                        («Anhelos», Rodriguez Marin)

Ur izan gura nuke, nere biotz ta argi!

garbi ikusiz edan nai nazazun yoranez.

Ta ao eztitsu orrek txastatu nazantzat,

zure egarria piztu eingo nuke, ito ez.

Aize izan gura nuke: gau itzalez, ixillik,

zure oe-ertzeraño sartuko nintzake.

Ta zure ezpañei asnas artzen utzirikan,

nere bizia zugan ixuriko nuke.

Su izan gura nuke, maite ziñunaren

samiña entzun nai ez zenun gizantz gorroi!

maite-sutan biotza garrez goritzeko.

Lur izan gura nuke eriotzearen

irrits asetu-gaitza leiatsu zapalduz,

geroztik, Zu, betiko nereganatzeko.

© Iokin Zaitegi