BASERRIKO ITURRIAN

                        (Guerin'en antzera)

Bidea bukatzen dan iturriraño

yarraitu egiok neska lirañari.

Esku batez suilla burute gañean,

eskerra lotua gerri-ezurrari.

Ura txirrioan dario kantari,

oroldiz yosita oi dagon aitzetik.

Garo ori-muskerrak inguratzen duten

iturrian, suilla yetxi du burutik.

Belaunaz eutsirik suilla, urez bete du,

aren arpegia, ur-azal gañean,

begi urdiñak ta gaztain-lorearen

antzeko adatsa nabari baitziran.

Suillaren ertzean diz-diz egiten du

etzatera doan eguzki gorriak.

Makurturik, suilla buruan ezarri,

ta etxerantz dagi neskatil liraiñak.

© Iokin Zaitegi